හාරගම වතුයාය පුද්ගලික අයිතියක් යටතේ තිබී 1972 අංක 1 දරන ඉඩම් ප්‍රතිසංස්කරණ පනත යටතේ ඉඩම් ප්‍රතිසංස්කරණ කොමිෂන් සභාවට පවරා ඇත. පසුව මෙම ඉඩම ජනතා වතු සංවර්ධන මණ්ඩලයට සහ පසුව සත්ව නිෂ්පාදන හා සෞඛ්‍ය දෙපාර්තමේන්තුවේ ජාත්‍යන්තර සංවර්ධන නියෝජිතායතන ව්‍යාපෘතියකට පවරා දෙන ලදී. ඉන්පසු සත්ව නිෂ්පාදන හා සෞඛ්‍ය දෙපාර්තමේන්තුව විසින් 1979 ජුනි 01 වැනි දින ජාතික පශු සම්පත් සංවර්ධන මණ්ඩලයේ සෘජු පරිපාලනයට හාරගම වත්ත පවරා දෙන ලදී.

මෙහි පස රතු දුඹුරු ලැටොසොලික් සහ නොමේරූ දුඹුරු ලෝම පස් වර්ගයට වලට අයත් වේ. පාංශු ප්‍රතික්‍රියා මධ්‍යස්ථ ආම්ලික වේ. කාබනික ද්‍රව්‍ය සහ නයිට්‍රජන් ප්‍රමාණය මධ්‍යම ප්‍රමාණයේ සිට අඩු මට්ටමක පවතී. පසෙහි අඩංගු පොස්පරස් ප්‍රමාණය අඩු වන අතර පොටෑසියම් ප්‍රමාණය තරමක් අඩු මට්ටමේ සිට මධ්‍යම ප්‍රමාණය දක්වා වෙනස් වේ. මෙම පසෙහි කැල්සියම් සහ මැග්නීසියම් මධ්‍යස්ථ සැපයීමක් ඇති අතර පසෙහි හොඳ කැටායන හුවමාරු හැකියාවක් ඇත. පසෙහි සාරවත් බව මධ්‍යස්ථ මට්ටමක පවතී. භෞතික ගුණාංග වන පසෙහි ගැඹුරෙහි සාරවත් බව, වයනය සහ ජලාපවහනය ඉතාමත් හොඳ මටිටමක පවතී. මෙම පසෙහි ව්‍යුහාත්මක ස්ථාවරත්වයක් ඇත. මෙම ගොවිපල මීටර් 500 ක උන්නතාංශයක පිහිටා ඇති අතර භූ විෂමතාවය පැතලි පටු නිම්න වලින් සමන්විත වන අතර කඳු බෑවුම් හා රළු කඳු දක්වා විහිදේ. වර්ෂාපතන රටාව උඩරට ප්‍රදේශවලට හාත්පසින්ම වෙනස් වන අතර සාපේක්ෂව අඩු වර්ෂාපතනයක් ලැබේ.